REPUBLIKA E SHQIPËRISË
BASHKIA DEVOLL
Bilisht më 12/03 /2025
Njoftim për pozicion të lirë Pune
Bashkia Devoll
Mbi bazen e vendimit nr. 06 date 29.01.2025 te Keshillit te Bashkise Devoll, miratuar nga Prefekti I Qarkut Korce me Nr 133/1 Prot. date 13.02.2025 protokolluar me tonen me Nr 337/1 Prot. date 17.02.2025 njoftojme per vende te lira pune.
Pozicioni:Psikolog/ Punonjes Social
Data e hapjes së aplikimit:12.03.2025
Data e mbylljes së aplikimit: 19.03.2025
Titulli i pozicionit: Psikolog/Punonjes Social
Vendi: Bashkia Devoll
Kohëzgjatja: 10 muaj
Informacion i përgjithshëm për projektin
Projekti “4 Rrota në Shërbim” është një projekt 12 mujor i financuar nga Fondi Social që zbatohet ne territorin e Bashkise Devoll. Qëllimi i përgjithshëm i këtij projekti është përmirësimin e Shërbimeve Sociale që Bashkia Devoll ofron për të mbrojtur fëmijët nga dhuna, neglizhenca dhe shfrytëzimi përmes funksionimit të Shërbimeve psiko-sociale të lëvizshme.
“4 Rrota në Shërbim” nëpërmjet kombinimit të shërbimeve shoqërore të integruara nepermjet dhenies se këshillimit psikologjik I cili synon të mbrojë, referojë dhe trajtojë cdo nevojë për shërbime që kanë shtresat me në nevojë.
Skuadra e shërbimeve të lëvizshme për mbrojtjen e fëmijeve do të ketë si pjesë të saj të personelit psikolog/ punonjës sociale, I cili do të trajtoje dhe menaxhojë rastet e fëmijeve dhe të familjeve të tyre. Objektivi kryesor i këtij projekti është garantimi i respektimit të të drejtave të fëmijëve, për ti mbrojtur ata nga të gjitha format e abuzimit dhe shfrytëzimit, duke lehtësuar integrimin e tyre në shoqëri përmes ofrimit të shërbimeve të integruara të kujdesit dhe mbrojtjes shoqërore.
Funksionet bazë të pozicionit:
Bashkia Devoll kërkon të angazhojë nje (1): Psikolog/punonjes social
Për të ofruar shërbime këshillimi dhe mbështetjeje psikologjike për personat me aftësi të kufizuar, femijet në situatë rruge, jetim, me aftësi te kufizuara, si dhe fëmijët viktima të dhunës abuzimit apo shfrytëzimit.
Detyrat e psikologut/punonjesit social janë këto:
- Vlerësimi i funksionimit social. Ky aktivitet realizohet duke:
a- Vlerësuar mënyrën sesi pacienti i krijon marrëdhëniet me njerëzit rreth tij, grupet, institucionet dhe komunitetin në të cilin bën pjesë.
b- Evidentuar stresorët dhe faktorët socialë që ndikojnë në rëndimin e gjendjes.
c- Vlerësuar nevojat sociale qoftë në planin individual, qoftë në atë familjar.
d- Ekzaminuar burimet mbështetëse dhe pikat e forta të pacientit që do të lehtësonin punën e stafit.
- Këshillimi emocional. Ai fokusohet kryesisht në:
a- teknikat mbështetëse me qëllim zbutjen dhe lehtësimin e ngarkesës emocionale. Realizon seanca kwshillimi individuale apo në grup, në Qendër ose në komunitet.
b- ndërhyrje në rastet e krizave duke u bazuar në këshillim intensiv.
- Puna me familjen.
a- vlerësimin e dinamikave të familjes, roleve të anëtarëve, mënyrave të ndërveprimit dhe komunikimit mes pjesëtarëve të familjes etj.
b- psikoedukim, në mënyrë që familjarët të kuptojnë sëmundjen dhe sesi të reagojnë ndaj saj,
c- punë me anëtarët e familjes për të ulur ndjenjat e fajësisë, konsumimit etj.
- Të qënit anëtar aktiv në ekipin multidisiplinar, duke bashkëpunuar ngushtë me profesionistët e tjerë
- Ofron trajtim psikologjik individual: Psikologu punon me individin me qëllim lehtësimin e shqetësimit dhe ruajtjen e funksionimit. Gjithashtu ndihmon në rritjen e aftësive dhe pavarësinë e pacientit. Ai / ajo e realizon këtë nëpërmjet:
a- Psikoterapisë individuale
b- Këshillimit psikologjik
c- Mbështetjes emocionale
d- Trajnimit të shprehive (shprehi emocionale, konjitive, sociale, praktike etj)
Informacion për pozicionin e punës:
Shërbimi nga psikologu/ punonjesi social do të kryhet me 100% të kohës
Psikologu/ punonjesi social do të shoqërohet gjithmonë nga Stafi i qendra shumefunksionale ,
Kualifikimet e kërkuara:
Kandidati/ja duhet të përmbushë këto kritere:
- Të jetë i/e diplomuar në Psikologji/ Shkenca sociale;
- Të zotërojë liçensën e Psikologut;
- Të mos jetë akuzuar apo dënuar më parë për vepra penale;
- Të jetë i/e rekomanduar nga dy punëdhënës, të cilët i njohin aftësitë profesionale dhe personale të kandidatit/es;
Për të aplikuar:
Kandidatët e interesuar ftohen të dorëzojnë dokumentet vijuese për aplikim jo më vonë se data 19.03.2025 në adresën: bashkiadevoll@gmail.com ose dorazi te zyra e protokollit ne Bashkine Devoll
– CV-në që tregon sfondin e arsimimit dhe përvojës, dhe një listë të detyrave të ngjashme të përfunduara
– Letër Shprehje interesi (një faqe) për këtë pozicion.
Të tjera:
– Fotokopje të diplomës dhe listës së notave.
– Fotokopje të librezës së punës;
– Fotokopje të kartës së identitetit;
– Dëshmi penaliteti ose vetëdeklarim të gjendjes gjyqësore;
– Raport mjekësor që vërteton gjendjen shëndetësore;
– Certifikata të kualifikimeve;
– Referenca pune.
Sektori i Burimeve Njerezore