PËRCAKTIMIN E VENDEVE PUBLIKE NË TERRITORIN E BASHKISË DEVOLL PËR AFISHIMIN PREJ PARTIVE POLITIKE DHE SUBJEKTEVE ZGJEDHORE TË MATERIALEVE PROPAGANDISTIKE!

“PËRCAKTIMIN E VENDEVE PUBLIKE NË TERRITORIN E BASHKISË DEVOLL PËR AFISHIMIN PREJ PARTIVE POLITIKE DHE SUBJEKTEVE ZGJEDHORE TË MATERIALEVE PROPAGANDISTIKE.”

Në mbështetje të nenit 64 të ligjit nr, 139/2015 “Për vetëqeverisjen vendore” i ndryshuar ,  në ligjin nr. 44/2015 “ Kodi i Procedurave Administrative i Republikës së Shqipërisë”, nenit 79 të ligjit nr. 10019 , datë 29.12.2008 “ Kodi zgjedhor i Republikes së Shqipërisë”  i ndryshuar dhr në udhëzimin e Komisionit Qendror të Zgjedhjeve nr.6 datë 23.03.2021 “Për përdorimin e materialeve propagandistike e edukuese dhe rregullat për afishimin e tyre gjatë fushatës zgjedhore”

                                                                                               VENDOSA

 

                    Klikoni këtu për të aksesuar dokumentin e plotë !     

Seminari i parë për zhvillimin e një plani veprimi ndërkufitar në Devoll !

U zhvillua në ambientet e Bashkisë Devoll seminari i parë, nga katër të planifikuara për zhvillimin e një plani veprimi ndërkufitar për menaxhimin e sistemit online dhe impianteve të trajtimit të bashkive Resen dhe Devoll.

Në seminar morën pjesë përfaqësues nga bashkitë e Resen dhe Devollit dhe shoqërive komunale në këto bashki, të cilët me ndihmën e ekspertëve analizuan gjendjen aktuale të ujërave, legjislacionin ekzistues në të dy vendet dhe më pas përcaktuan mundësitë për një bashkëpunim të mëtejshëm ndërkufitar. Në të ardhmen do të mbahen edhe tre seminare të përbashkëta të ekipeve të bashkisë së Resen dhe Devollit, gjatë të cilave do të krijohet, zbatohet plani i veprimit ndërkufitar dhe do t’u dorëzohet institucioneve përkatëse në të dy vendet. Ky seminar është realizuar në kuadër të projektit “Parandalimi i rreziqeve për praktikat e qëndrueshme mjedisore për prodhuesit agro-PRESPA” si pjesë e programit të bashkëpunimit ndërkufitar ndërmjet Maqedonisë së Veriut dhe Shqipërisë financuar nga Bashkimi Evropian, dhe zbatohet nga Qendra për Iniciativë Qytetare Prilep, Bashkia Resen, Organizata për Menaxhimin e Destinacioneve Korçë dhe Bashkia Devoll.

Link: First workshop for the development of a cross-border action plan in Devoll

Rikonstruksioni i Shkollës Fillore “Myrteza Sala”, Bilisht!

Synimi i këtij investimi ,është për të ndërtuar një objekt me standarde të larta të mësimdhënies bashkëkohore. Është menduar që të ndërhyhet në fasadat ekzistuese dhe ambientet sportive duke rimodeluar ato për t’i dhënë një impakt të ri vizual.
Në objekt do të bëhet një ndarje e re funksionale e pjesës së oborrit jugor të saj, duke e hapur atë hapësirë të gjelbëruar gjithashtu për publikun, duke qënë se është një hapësirë e bollshme e cila mund ti shërbejë dhe komunitetit.
Në oborrin perëndimor do të bëhet ndërhyrje në fushat sportive duke qënë se ato janë të amortizuara, por gjithashtu shtohen dhe ambiente të reja rekreative e sportive që përshtaten me siperfaqen e dhënë.
Është shtuar një palestër për zhvillimin e aktiviteteve sportive krahas fushave në zonën sportive. Në fasadë është menduar një ndërhyrje e lehtë e cila i përshtatet tipologjisë së ndërtimit ekzistues dhe gjithashtu krijon një frymë të re estetike e cila ndërlidhet mirë me të vjetrën.
Qëllimi kryesor i projektit nga ana arkitektonike është që të krijojë një ndërtesë shkollore, e cila të plotësojë në mënyrë të plotë termat e referencës, të jetë funksionale dhe me hapësira të menaxhueshme, të ketë një shkallë sa më humane perceptimi, të prezantojë një eksperiencë të re projektimi të shkollave duke përmirësuar standardet sociale të shkollave.
Nga pikëpamja e organizimit funksional, ndërtesa paraqet një koncept bashkëkohor. Godina është konceptuar në një formë lineare ku janë vendosur klasat dhe ambjentet e tjera ndihmëse të nevojshme për funksionimin e shkollës. Objekti është konceptuar si një hapësirë unike, ku ambientet funksionale lidhen nëpërmjet një korridori qëndror i cili i lidh të gjithë ambjentet midis tyre. Ndërtesa i përgjigjet nevojave aktuale si dhe prespektivave të zhvillimit të një shkolle në aspektin edukativ dhe në aspektin e mësimdhënies.

Festival Folklorik Tipologjik Kombëtar të Lojërave Popullore dhe Riteve !

Ju ftojmë në organizimin e të parit “Festival Folklorik Tipologjik Kombëtar të Lojërave Popullore dhe Riteve” që mbahet në datat 14 dhe 15 korrik 2022, tek stadiumi i “Klubit KF Devolli” , në qytetin e Bilishtit.
👉 Me pjesëmarrjen e grupeve nga mbarë Shqipëria , të cilët për dy netë do të prezantojnë lojërat popullore dhe ritet e zonave të tyre.
Ju mirëpresim ! 🤗