Programi IPARD II Thirrja IV

Për Turizmin Rural në Territorin e Bashkisë Devoll !
Fermerë , biznese, banorë të Bashkisë Devoll :
Nësë keni një shtëpi të vjetër dhe një ide të re biznesi , aplikoni tani për të ngritur bujtinën tuaj.
Në këto bujtina jemi të vetëdijshëm që tek ju nuk do të mungojnë elementë tradicionalë , mikëpritja dhe ushqimi bio.
Ju që keni një zanat , një eksperiencë , një dhunti , apo një dëshirë , ndiqni udhëzimet në faqen zyrtare azhbr.gov.al , duke plotësuar anekset e plan biznesit dhe aplikoni.
Për informacione të mëtejshme kontaktoni me specialistë të bujqësisë dhe turizmit pranë Bashkisë Devoll apo Njësive Administrative.
Turizmi Rural është kthyer tashmë në një lokomotivë në rritjen e mirëqënies në zonat rurale.
Programi IPARD II Thirrja IV – Masa 7: “Diversifikimi i fermave dhe zhvillimi i biznesit” me fokus të veçantë në sektorët:
✅ Turizmi rural dhe i Natyrës.
✅ Punimet e artizanatit dhe industria e manifakturës.
Buxheti total 5.2 milion EURO
Nën Masën 7 totali i shpenzimeve të pranueshme për ndihmën e kërkuar do të jetë në kufijtë minimal dhe maksimal si:
Shuma minimale e totalit të shpenzimeve të pranueshme: 10,000 EURO
Shuma maksimale e totalit të shpenzimeve të pranueshme: 400,000 EURO
Dorëzimi i aplikimeve fillon nga data 10 Janar 2022 deri në datën 25 Shkurt 2022.
❗Afati i fundit i pranimit të aplikimeve do të jetë data 25 Shkurt 2022 , ora 16:30.

Bëhu ti Babagjyshi !

“Bëhu ti Babagjyshi” 🎅🤶 , është nisma e ndërmarrë nga Bashkia Devoll për ti ardhur në ndihmë familjeve në nevojë në këtë periudhë festash.
✨ Magjia e festave ✨ është tek zbukurimet🎄 , bora e bardhë ❄️ , dritat shumëngjyrëshe dhe lumturia që ndjeni kur hapni një dhuratë të bukur! 🎁🎁
Të gjithë ju që keni dëshirë ti bashkoheni kësaj nismeje duke dhuruar një pako : ushqime , veshmbathje , lodra për fëmijë , ju lutemi të drejtoheni tek zyrat tona të Shërbimit Social, tek godina e nënprefekturës. 🙏
👉 Shpërndarja e pakove do të bëhet çdo ditë, deri në datën 30, pranë çdo familjeje në nevojë.

Workshop konsultues për hartimin e planeve vendore të veprimit për ri-integrimin social-ekonomik të të rikthyerve nga emigrimi dhe kërkimi i azilit prej komunitetit Rom dhe Egjiptian!

Bashkia Devoll në bashkëpunim me #UNDP në Shqipëri , zhvilloi workshopin konsultues për hartimin e planeve vendore të veprimit për ri-integrimin social-ekonomik të të rikthyerve nga emigrimi dhe kërkimi i azilit prej komunitetit Rom dhe Egjiptian. 🤝
✅ Pjesëmarrës në këtë konsultim ishin përfaqësues të institucioneve vendore nga sektorë të edukimit , shëndetësisë , zyrës së regjistrimit civil , njësisë për mbrojtjen e fëmijëve , zyrës vendore e punësimit , shërbimeve për strehim dhe urbanizim , forcave lokale të policisë së shtetit , shërbimeve sociale , si dhe përfaqësues të të rikthyerve nga emigrimi dhe kërkimi i azilit prej komunitetit Rom dhe Egjiptian dhe shoqërisë civile vendore.
✅ Workshopi organizohet në kuadër të zbatimit të projektit “Forcimi i sistemeve kombëtare dhe lokale për të mbështetur integrimin efektiv socio-ekonomik të të rikthyerve në Ballkanin Perëndimor”, i financuar nga #Komisioni_Evropian 🇪🇺 dhe #UNDP , në bashkërendim me Bankën Botërore dhe Këshillin e Evropës dhe në bashkëpunim me Bashkitë e Devollit , Beratit dhe Fierit.