Mësues për Shqipërinë !

Njoftojmë të gjithë mësuesit e interesuar për të marrë pjesë në portalin ” Mësues për Shqipërinë” se janë hapur aplikimet për t’u bërë pjesë.
Në faqen e RASH kandidati duhet të bëjë aplikimin online  si dhe të ngarkojë një pjesë të dokumentacionit të kërkuar.

 

 

 

 

Afati për dërgimin e dokumentacionit në DRAP-in përkatës ku ju keni vendbanimin do të dërgohet brenda datës 25.06.2021 nëpërmjet shërbimit postar.
Ndërsa për mësuesit e profilit parashkollor dosjet do dërgohen me postë në ZVAP Devoll brenda datës 25.06.2021.
Për çdo paqartësi çdo kandidat mund të drejtohet pranë ZVAP Devoll tek Sektori i MKZHP – së dhe Zyrës të Juristit për informacion dhe asistencë.

Bashkia Devoll ka nisur zbatimin e projektit “Rikuperimi i aftësive” !

Bashkia Devoll ka nisur zbatimin e projektit “Rikuperimi i aftësive” një ndërhyrje inovatore që ofron shërbime të integruara shëndetësore dhe sociale. Ky projekt synon të ndihmojë njerëzit me aftësi të kufizuara dhe familjet e tyre që të kenë akses në shërbime sociale dhe në proçesin e përfshirjes në jetën sociale dhe ekonomike.
➡️Me mbështetjen e Programit të Përbashkët të Kombeve të Bashkuara “Përmirësimi i Ofrimit të Shërbimeve Lokale të Mbrojtjes Sociale”, Bashkia Devoll ka ngritur dhe trajnuar një ekip multidisiplinar , i cili pas një fazë paraprake vlerësimi nevojash për rastet e ndërhyrjes, ka filluar seancat e para të këshillimit psikosocial dhe seancat e fizioterapisë bazuar në planet e individializuara të ndërhyrjes.
➡️Fale Projektit do të bëhet pajisja e 55 personave paraplegjikë dhe tetraplegjikë në Devoll me karrige me rrota për të lehtësuar lëvizshmërinë e tyre në jetën e përditshme. Personat me aftesi të kufizuar do të përfitojnë nga mbështetja e integruar shëndetësore dhe psikosociale përmes një ekipi multidisiplinar të përbërë nga fizioterapisë , infermier dhe staf psikosocial i Bashkisë së Devollit.
▶️Ky ekip do të ofrojë gjithashtu edukim dhe trajnim për personat paraplegjikë/ tetraplegjikë , si dhe kujdestarët e tyre në Devoll për përdorimin e pajisjeve mjekësore (karriget me rrota).
➡️Programi i Përbashkët i Kombeve të Bashkuara “Përmirësimi i Ofrimit të Shërbimeve Lokale të Mbrojtjes Sociale” po i ofron asistencë teknike Bashkisë Devoll për të ofruar shërbime të integruara sociale dhe shëndetësore në kuadër edhe të fondit social.
➡️Ky program zbatohet nga Qeveria e Shqipërisë në partneritet me katër Agjenci të OKB, përfshirë UNDP, UNICEF, UN Women dhe OBSH dhe pjesëmarrjen e UNFPA dhe ILO, dhe financohet nga Fondi i Përbashkët i Objektivave të Zhvillimit të Qendrueshëm Joint SDG Fund .
➡️Programi synon të mbështesë Qeverinë Shqiptare të përkthejë qëllimin e politikave në veprime konkrete lokale, në mënyrë që burrat , gratë , vajzat dhe djemtë që jetojnë në varfëri ose situata në nevojë , të kenë akses në shërbime të integruara dhe cilësore të kujdesit shoqëror , si dhe mbështet vizionin e përgjithshëm të një Shqipërie gjithëpërfshirëse.

Letërsia mes nesh !

Klubi i leximit Devoll në kuadër të projektit “Letërsia mes nesh”📖📚mbështetur nga Qëndra Kombëtare e Librit dhe Leximit , në bashkëpunim me Bashkinë Devoll, organizuan takimin letrar rreth romanit “Dëmtuar gjatë rrugës”, nga shkrimtari I njohur Besnik Mustafaj.
Kjo veprimtari është një mundësi e shkëlqyer për të treguar që kemi nevojë për nxitje e organizimit të veprimtarive të kësaj natyre në mënyrë që lexuesit të jenë në kontakt të drejtpërdrejtë me autorët e veprave letrare.😊
Orientimi dhe vizioni i Bashkisë Devoll përveç pasurimit të vazhdueshëm të fondit të bibliotekës së qytetit, do të shtrihet edhe në mundësinë e ngritjes së një biblioteke bashkëkohore me kushtet optimale për çdo lexues që do jetë pjesë e saj. Shkrimtarit z. Besnik Mustafaj iu akordua dhe një çertifikatë mirënjohjeje 📃 nga kryetari I Bashkisë Devoll , z. Eduard Duro , si një personalitet i shquar i kulturës dhe letërsisë shqipe. Falendërim i veçantë për kordinatorin e projektit , shkrimtari dhe përkthyesi , z.Eris Rusi i cili mundësoi këtë takim.
Një falenderim dhe për nxënësit e gjimnazit  “Fuat Babani” Bilisht, që interpretuan pjesë nga krijimtaria e shkrimtarit Besnik Mustafaj.

Bashkia Devoll gjithmonë pranë fëmijëve në nevojë por jo vetëm!

Bashkia Devoll do të qëndrojë gjithmonë pranë fëmijëve në nevojë por jo vetëm !
Ashtu si çdo vit organizuam aktivitetin e shpërndarjeve të dhuratave për fëmijët e kopshteve dhe të shkollave nga klasa e 1-9 . Kategoritë e fëmijëve që morën dhuratat ishin përcaktuar nga drejtoritë e shkollave përkatëse.
Këto kategori përfshinin :
1) Nxënësit e dalluar.
2) Fëmijët e komunitetit Rom dhe atij Egjiptian.
3) Fëmijët jetimë.
4) Fëmijët me prindër të kategorisë së shtresave në nevojë.
Këto dhurata janë pjesë e fondeve të bashkisë . Le të gëzojmë sëbashku në këto ditë festash